Баяндауыш деп сөйлемде бастауыштың қимылын, ісін, жай-күйін, кім, не екенін білдіріп тұратын тұрлаулы сөйлем мүшесін атаймыз. Баяндауыштар көбінесе сөйлемнің соңында тұрады да, не істейді? не болды? не етеді? қайтеді? қандай? қанша? кім? не? деген сұрауларға жауап береді.

---

Баяндауыш болатын сөз таптары:
● Етістік, есімше
Аяңшыл ат арымас.
● Зат есім, сын есім, сан есім және есімдік
Ердің сыншысы — елі.
● Үстеу
Киноға баруға уақыт тым кеш.

---

Дара баяндауыш
Дара баяндауыш — жеке бір сөзден болған баяндауыш. (Ол театрға барады).
Күрделі баяндауыш
Күрделі баяндауыш деп екі я одан да көп сөздерден құралып, бір-ақ ұғымды білдіретін баяндауышты атайды. (Мен өз Отанымды жақсы көремін).